米糍遊名古屋‧前傳

我熱愛旅遊傳承自媽媽

細個時佢經常帶我週遊列國

教曉我"行萬里路" ^^

今時今日 人大了

旅行仿似我身體嘅一部份

衰啲講 唔去會死架XD 係悶死 哈哈

細個同阿媽去

大左同朋友去

早兩年同老公去

而家? 帶埋隻臭豬仔一齊去^^

我也要學婆婆一樣

教曉米糍行萬里路

做人不能夠忘本 (尤其係我咁孝順 哈哈)

除左帶隻細嘅去

都要預埋個老嘅 ^^

每年都要帶埋媽媽去旅行

三代同堂親子遊~~

一家人去旅行係最最最開心架~~~~~

今次稱得上係"絕對親子遊"

皆因除左我地三婆孫

重有婷婷同婷婷媽呀

人地話三個女人一個墟

我地今次五個 仲唔係一個大墟？？ XD

爸爸就冇份去喇 因為佢要返新工

掉底佢 玩樂去 哈哈~~

由於媽媽鍾意食魚生浸溫泉

所以去日本係不二之選

日本咁大去邊好呢？

上次去左福岡

今次打算去名古屋或大阪

東京就唔諗喇

一來人多車多 冇咁relax

二黎我年年冬天去滑雪都必經 有點悶 XD……

最後決定名古屋

因為婷婷媽較早前先去過大阪

名古屋有東山動物園

麵包超人博物館 同長島溫泉渡假村^^

大人細路都啱玩

主攻shopping嘅婷婷又有長島outlet

名古屋就滿足晒大家嘅願望喇~~~

揀啱地點就即刻上網搵下有冇平飛

見到國泰假期有特價package

$2730 一位 包早去晚返國泰機票及兩晚酒店

咁筍 即book ^^

婷婷就堅持唔book

因為佢同auntie都有更平嘅"公司飛" ^^

可惜我媽咪冇吖 

如果唔係一齊出 重平……

不過公司飛好睇彩數

架機隨時爆客就唔比職員上架喇

雖然平 但好冇安全感啊＞＜

我地今次去五日四夜

三晚住市區酒店

一晚住長島溫泉渡假村

渡假村內一共有四間酒店

花水木同花水木別館係最貴 

大約五千港幣一晚per person

另外嗰兩間價錢較平

佢地嘅分別在於日式房定西式房

一場黎到日本梗係揀日式啦

所以book Garden Hotel

今次我地五人一房 

再加網頁話全女仕有特價

左折右折完大約12600 yen一位一泊兩食

叫做幾抵架喇

原價成17800 yen…… @。@

我地主要行程係 東山動物園 長島outlet

長島溫泉 麵包超人博物館

再加立立雜雜嘅shopping目標

大人細路咩都買一餐 XD

CX536 HKGNGO 1020-1510
CX539 NGOHKG 1620-1925

DAY 1- DAY 2 :
THE B NAGOYA
DAY 3 :
GARDEN HOTEL @ NAGASHIMA RESORT
DAY 4 :
The  B NAGOYA

蒙特梳利 1st Lesson

2013年9月30日 (1歲9個月)

今次急不及待要寫呢篇blog先

因為蒙特梳利真係令我好驚訝 =-O

佢好似魔法一樣

令我隻冇時停的奀皮四乖乖坐定

好專心咁玩玩具

平時就算我買左份新玩具

佢都只係專心玩五分鐘……

今次上堂佢玩足一粒鐘 XD

認識蒙特梳利來自有經驗嘅媽媽

覺得呢個教學方法唔錯

再上網加深了解下

其實坊間有開辦蒙特梳利幼稚園

但我想米糍讀主流小學

而蒙氏幼稚園多數函接國際小學

所以唔太適合我地

唯有參加蒙特梳利班

當係playgroup又好課外活動都好~

一開始target左兩間機構

"兒童冇限" 同埋 "Little Montessorian"

其實我prefer前者多啲嘅

不過凡要報讀佢嘅班 家長必需先上課

一日八小班 兩位盛惠二千大元

我有點擔心米糍會唔like呢套教學法

咁我又上左堂 咪好浪費？

所以最後選擇左Little Montessorian

呢度家長唔洗強制性上堂

如果家長有興趣home schooling先報都得

根據米糍嘅年紀

我地join左montessori playgroup

一星期上一堂

逢星期一 11:00-13:00

每堂max 6位小朋友

地點就遠左啲……銅鑼灣……

何謂蒙特梳利呢？

蒙特梳利係反對填鴨式教育嘅教學法

透過木制玩具 遊戲 蒙特梳利學習環境

啟發小朋友自由探索

引導佢地自發性學習
培養專注力同耐性
學習照顧自己同別人

細個讀書成日都要阿媽迫

因為我覺得學習冇趣味

佢迫我先讀 形成一個惡性循環……

而家我幫米糍報蒙特梳利

等佢培養自發性學習

提高專注力同耐性

學習路漫長 下下都要迫

幾時迫到老 趁年紀還小及早培養^^

其實米糍讀書叻唔叻 高唔高分

我一啲都唔著緊

呢個世界高分低能嘅人大把

我只期望佢學習得開心快樂

有良好品德 做個好人~~

今日上第一堂 入到center 

第一個感覺係好natural

四周大部份都係木制用品

再加埋播住啲好柔和嘅音樂 ^^

佢地亦好了解小朋友嘅特性

喺waiting zone放左小型波波池同搖搖馬

由於尋日baby gym嘅waiting zone咩都冇

等上堂嘅小朋友有點混亂

哭鬧 扭計 樣樣齊…… 

所以喺我心目中形成好強烈嘅對比……=.=

課室設計 四面都係木制層架

好整齊咁放滿玩具

有一盒嘅 一盆嘅 一籃嘅 一份嘅

中間放有六set兒童枱櫈

開方式整齊排列

就係蒙特梳利學習環境

等小朋友自己選擇佢嘅玩具

自由探索同學習

由於米糍係新生

老師拖住佢行左一圈介紹玩具

佢揀啱心水 揀埋坐位就正式開始

呢度好有規矩

樣樣都要親力親為 自己的事自己做

我觀察到有以下幾點係必做嘅：

1) 首先拉櫈坐好

2) 聽老師講解份玩具點玩

3) 老師示範一次佢做一次

4) 自己完成遊戲 不能中途而廢

5) 完成後收拾玩具 拎返黎嘅時候係點樣就要set返一模一樣

6) 落地自己拍好櫈仔

7) 自己將玩具回原位

完成以上七點就可以再揀玩具

唔知蒙特梳利施左咩魔法 ^^

喺waiting zone 仲係跳跳紮嘅米糍

竟然可以好專心咁完成一份又一份嘅玩具

初初試過"心急"

未睇完示範就出手想玩

老師即時提佢 my turn and then your turn 

即刻又坐定XD 

又試過想"中途而廢"

未完成遊戲就想落地攞新嘢玩

老師又提佢 not yet finish~~~

提得一兩次就學識左"守規矩" ^^

老師話米糍初黎步到

要先將呢粒小種子培養左正確嘅方向

包括 守規矩 良好品德 有禮貌 學習幫助別人

自己的事自己做 等等

之後佢就可以自由發展

老師只係引導佢學習

唔會不停塞啲嘢入佢個腦度~

媽媽有點期待 小種子幾時會"長大"呢^^

坐定定玩左一個鐘

跟住到circle time

由於米糍join嘅係playgroup

所以有circle time 同snack time

第時升左casa班就冇lu

以我觀察

circle time同普通playgroup分別唔太大

但都加插左啲蒙特梳利完素

喺圍圈嘅中間放左一張地毯

老師會將需要嘅"道具"逐次放喺上面

唔可以踩張毯 又唔可以搶"道具"

逐個逐個攞 學守秩序^^

內容大致教下生活常識

例如 自己個名 今日天氣 晴天？雨天？ 星期幾 等等

再加英文兒樂唱遊  配上迷你樂器 郁下手仔腳仔

玩左咁耐都攰喇

snack time 叉下電

先排隊洗手仔

呢度嘅廁所又係親力親為型

有小坐廁 小腳踏

自己去廁所 自己洗手仔^^

入到課室 嬸嬸已經舖好枱布

每人面前都有一塊特制餐墊

上面畫左 碟 杯 同餐具

每個小朋友負責擺一樣

米糍負責擺杯

除左自己 仲要幫其他小朋友擺埋

學習分工合作^^

想食嘢？ 都要自己落手落腳

自己針水 自己but snack

食完又要自己收拾餐具
好彩平時喺屋企都有幫下手
所以冇出羞 XD

最後 學禮貌

要排隊攞手冊
say goodbye to teacher 

give a big hug 

咁先正式落堂~~

搭緊地鐵出銅鑼灣時自照 米糍個樣幾少女^^

第一個攞左 夾彩色棉球 

呢個係玩水遊戲 玩完喇 老師教佢放回原位

蒙特梳利專有的大小木條 學習分大與細~~

雀仔木拼圖

海洋生物配對 佢對手...XD 好似好乖咁...

But 波子遊戲 每格只可放一粒 考佢功夫XD

Transfer 通心粉遊戲

入牙簽遊戲
我發現米糍比較鍾意玩"日常生活類"同"拼圖類"o既遊戲
唔錯呀 可以訓練小肌肉^^

反斗王!!嚇屎我!!

2013年7月2日(1歲6個月)

今晚真係嚇死我……

晚上食飽飯 

我喺梳化攤屍緊

姐姐洗緊碗

突然間好靜冇晒聲

心感不妙…

轉頭一望見到米糍徒手爬緊上highchair

當時未爬晒 只係雙腳已凌空

我即時哇一聲 

姐姐聽到大叫即刻衝出黎 

見到咁嘅情況 佢都哇啦

然後大家九秒九衝埋去抱番佢落地=.=""

點知落左地都唔制

臭豬死都要再爬 

阻止左三次都係咁

我感覺上佢好似有啲嘢想做

因為佢真係好執著要爬上去

於是 第四次我由佢爬

叫姐姐唔好扶佢 只係喺旁邊standby

終於見識到呢隻小馬騮的身手敏捷……

幾下動作就爬左上去

原來……佢想學姐姐清潔張highchair呀！！

拎起條布係咁抹

仲要口中唸唸有詞 

邊抹邊講 " 抹抹抹..." =＿="

究竟我應該嬲好定笑好呢……？

跟馬騮沒兩樣....

包場@下長沙泳灘

2013年6月29日(1歲6個月)

天朗氣清

最適合去沙灘^^

繼宿霧玩沙之後

今次係米糍第二次去沙灘

目的地 大嶼山下長沙泳灘~~~

出發喇 帶埋喺日本買o既光頭佬玩沙套裝^^

由東涌去下長沙又快又方便

搭大嶼山巴士大約需時25分鐘

未結婚時成日都同東涌朋友黎

貪呢度唔迫人 水清沙幼

又有救生員 沖身設備 士多同餐廳(西式同泰式）

今日同以往一樣

好容易就搵到遮陰位

連太陽遮都唔洗租 XD

靚靚樹蔭位~

霸左位諗住放低米糍玩沙

點知……佢隻腳一掂到沙 驚喎 0.o…

明明11個月大時玩過架嘛

嗰時都唔驚 而家驚……？

唔緊要啦 

我一向都唔鍾意強迫佢^^

抱住佢等佢適應左先

又同佢解釋下 一齊玩下

過左一陣就no problem啦~~~

光頭佬玩沙套裝正式啟用

成日話怕怕 唔夠膽企起身XD

仲唔係包場?? XD

遠處得佢兩父女o既身影~

玩下沙又去海邊踢下浪

是日比較大浪

喺海邊踢浪仲好玩過游水XD 

米糍見到啲浪湧上黎又退落去

以為啲浪走左

係咁揮手又嗌come come 叫啲浪返黎

笑死我地XD

媽媽教佢踼浪

係咁叫啲浪 COME COME^^

玩到中午 肚仔餓

沖好身Pack埋行裝去食泰國菜

熱辣辣的中午飲火辣辣的冬陰功

別有一番風味 哈哈~~~

等食的大人與小人

都未返到屋企已經"磥"底左 XD

小小救生衣

2013年6月21日 (1歲6個月)

舊年游水重係用緊"bb頸水泡"

話咁快小人兒長大了

今年用唔番

為左迎接夏季 

專登買左隻船仔水泡比佢

點知用過後發現size有點大

雖然可愛 但有反船嘅危險……

為安全計

要物色過另一樣浮水裝備^^

幾日前嘅放假天約左婆婆行街

喺玩具反斗城見到件唔錯嘅救生衣

係就係貴啲……199蚊

但又protect得幾好 就買佢！

去左沙田玩具反斗城 個樣幾奀皮...

買完救生衣去食壽司 見到有兒童壽司船 叫比米糍試下~

食得津津有味^^

STARFISH 1-2歲救生衣

今日試用 真係唔錯

承託埋頸部 唔驚浸親

小米糍都好滿意 

著左唔願除^^

保護充足 承託埋頸部 唔怕飲水^^

下水禮

2013年6月4日 (1歲5個月)

天氣開始熱 

會所泳池又注滿水

米糍每次經過都指住要去游水

呢個小朋友"與水有緣"

五個月大嘅時候已經去游水

不但唔怕水 重好鍾意^^

其實今個夏天係爸爸第一個帶佢去游水

可惜我嗰日返工

冇得一齊去

終於等到今日放假

重唔輪到我？ 哈哈~~

我叫埋婆婆 三代同堂去游水

知道有得去游水 未出發先興奮~

YEAH~~三代同堂去游水^^

米糍零舍多游水用品 一抽二LUNG...

傻豬想用手"拎"起啲水 XD 但唔成功

最鍾意將啲水畢黎畢去 畢完水開心到dup低頭偷笑 XD

話說大肚時期我睇到youtube教bb游水

上年夏天著手教佢

可惜教到step 2 夏季就完結

到左今年 大個左

再用唔到"教bb游水嘅方法"了

唔通真係要等到三歲先可以再學游水？

我唔信 再接再厲 try try try ~~~

小畫家生日會

2013年5月25日(1歲5個月)

朋友的女兒紫僑六歲生日

應他們的邀請

我地一家三口去參加"油畫生日派對”

地點係長沙灣唐樓嘅一間畫室

畫室入面充滿住藝術氣息

放滿一個個畫架 一樽樽顏料

重有導師 學員 親筆畫嘅畫 ^^

派對開始

主人家為我地準備左一大堆美食

邊食邊傾計 又送下生日禮物^^

過左一陣重頭戲出場

登登登登 油畫初體驗

導師叫齊所有小朋友聽講解

用咩筆咩掃咩顏料 重有調色盤

然後每人拎一個畫架 搵好位置 

再分派一張特製畫紙連框

準備就緒 開始~~~

是日主題 小朋友最鍾意嘅嘢 

導師話：當你諗起佢 會開心笑嘅 就畫佢啦~~ 

在場所見 每個小朋友各有不同

有食物 卡通人物 交通工具 動物

個個都創意冇限^^

好多可愛的小作品~~

唯獨我粒小米糍

都唔知咩係最鍾意嘅嘢XD

導師話佢咁細個

未有"主題"呢個concept

佢呢個年齡適合塗鴉同finger art

所以我攞左幾隻顏色等佢自由發揮

用完畫筆又用手指

成身烏糟晒就最happy 哈哈~~

媽媽幫佢準備左幾隻色 任君選擇~

塗鴉大師 小米糍XD

老師 我畫得靚唔靚呀?^^

到爸爸做人肉調色托 哈哈

Finger Art~~

你睇我幾烏糟 XD

老師話呢幅畫叫 煙花~

我們與煙花合照

畫完畫輪到玩遊戲

哥哥姐姐們好興奮 

米糍就覺覺豬 ZZzzz…

訓到切生日蛋糕都未醒呀 失禮晒XD

體力耗盡 覺覺豬

僑僑姐姐生日快樂~

我地喺鋼琴伴奏下唱生日歌 吹蠟燭 切蛋糕

祝 僑僑生日快樂 身體健康 聰明伶俐^^

大合照